über littlelino

im dezämber 2018 bin ich zum erschte mal mama worde.

ich ha öppis persönlichs für miin "littlelino" welle ha und so han ich mini erscht nuggichette hergstellt. das hät mir so grossi freud gmacht, dasses zu miin hobby worde isch. doch biim hobby isches nöd blibe - schnäll händ au fründinne und bekannti mini produkt entdeckt und so isch sganze is rolle cho...

...und so findsch du hüt verschiedenschti produkt wie nuggichettene, bissring, windelturte und wiiteri handgmachti gschänkli und mim label "littlelino by sandra steim".

na dis na sind so meh produkt dezue cho... im 2020 isch littlelino jetz um e 2nd-hand-abteilig erwiitered worde. du findsch im shop vo littelino neuwertigi resp. sehr guet erhalteni baby- und chinderchleider wo wiiterzieh dörfed.

schön bisch du uf minere siite glandet - vill spass!

 

dini sandra 

uf das leg ich grosse wert

materialie

für mini nuggiketten, aahänger, bissring etc. verwänd ich produkt aus holz und bpa-freiem silikon. die entspräched de gsetzlich gforderete norm EN 71-3 (europäischi norm für spiilzügsicherheit).

chundewünsch

all miini produkt stell ich nach dim wunsch zäme. ich mach dir gern vorschläg und berate dich. es liit mir am herz, dass du dich genauso über das produkt freusch, wie ich mich bi de herstellig.

homemade & love

jedes vo miine produkt stell ich in liebevoller handarbet her. ich schänke jedere nuggikette, jedem bissring ufmerksamkeit, so dass ich am ändi

 hinder jedem päckli stah, wo ich verschicken dörf.